Parlamento a cuminsa trata ultimo parti di presupuesto awe mainta

ORANJESTAD – Awe mainta Parlamento a cuminsa trata e ultimo carteranan pa loke ta presupuesto 2019. Ta trata di carteranan di Prome minister Evelyn Wever Croes, cu fuera di tin e cartera di asuntonan general, tin e cartera tambe di energia y inovacion y integridad. Ademas por a tuma nota di presencia atrobe di e lider di partido RED Ricardo Croes, cu ta ‘bek na trabou’ despues di tabata malo algun dia. Cu e regreso di Croes, e situacion den Parlamento ta parce di a normalisa, mirando cu Daphne Lejuez di MEP tambe ta presente atrobe desde ayera y lo bay cu vacacion despues di tratamento di presupuesto. A compronde cu e intencion ta pa caba e presupuesto diaranson mes y despues sigui pa esun di reforma fiscal diahuebs. Diabierna Parlamento ta baha cu reces.