KFC cu donacion na fundacion Ban Uni Man Pa Cria Nos Muchanan

ORANJESTAD – E compania cu ta opera y maneha e cadena Kentucky Fried Chicken (KFC) na Aruba diaranson mainta a haci entrega di un check di 4000 florin na e fundacion Ban Uni Man Pa Cria Nos Muchanan. Esaki ta un fundacion cu ta yuda subsidia cuminda (desayuno) pa muchanan cu ta bay scol sin come. Mientras cu e cantidad di mucha cu nan ta yuda, ta fluctua y a yega te na 1000 mucha, esaki a baha atrobe na 2014 te na 600 mas of menos, ya cu cierto scolnan tambe a cuminsa ‘step up’ y ta yudando cu esaki awor. KFC a haci un campaña e aña aki atrobe mescos cu aña pasa, cu a logra recauda e suma aki, cu ta yuda por lo menos 160 mucha den un luna. Un mucha ta costa 25 florin pa luna na desayuno, segun representante di e fundacion.