Total di 89 ciudadano a ricibi nan ciudadania Hulandes dialuna

ORANJESTAD – Dialuna mainta un total di 89 ciudadano a ricibi nan ciudadanania Hulandes for di man di Gobernador di Aruba, Su Excelencia Alfonso Boekhoudt despues di un trayectoria largo pa logra esey. Nan ta representa 12 diferente nacionalidad. Ta tres of 4 biaha pa aña cu un ceremonia di naturalisacion asina ta tuma lugar na Aruba. Durante un ceremonia asina, e ciudadanonan ta huramenta of haci promesa dilanti Gobernador di nan conectividad cu Reino Hulandes. Cu esaki, nan ta haya tur e derecho cu un ciudadano di nacionalidad Hulandes ta haya, inclusive e derecho y obligacionan manera e derecho di voto active y pasivo y e derecho riba un pasaporte Hulandes.