Entrante 2020 ta bira posibel pa declara impuesto di entrada online

ORANJESTAD/ WILLEMSTAD – Entrante 1 di januari 2020, mayoria contribuyente na impuesto di entrada di Aruba, lo haña e oportunidad pa haci nan declaracion nan di impuesto ‘online’. Director di Departamento di Impuesto Sra. Luenne Gomez Pieters a confirma esaki na NoticiaCla. Cu esaki, segun Gomez, Aruba ta sigui Corsou cu den nan caso, ya ta cuminsa cu esaki entrante 1 di januari 2019 caba. “Nos ta sigui” Gomez a sigura e portal aki. E proyecto di Aruba ta inicia asina aña 2019 bolter, pa por keda cla pa introduci e cambio aki tambe pa 1 di januari 2020. Hopi mas detaye lo bin despues ora cu ta asina leu. 

CORSOU

Na Corsou, segun e relato di e matutino Antiliaans Dagblad diamars, tur hende ta cuminsa declara nan impuesto ‘online’, esta nan inkomsten belasting. Tambe negoshinan cu tin cu paga omzetbelasting, loonbelasting y winstbelasting y cu si nan tin mas di 20 trahado den servicio, mester haci nan declaracion ‘online’. Segun un relato di e ministerio di finanza di Corsou, ta cuminsa prome cu companianan cu tin mas di 20  trahado. Pa nan esaki ta obligatorio. Despues ta sigui 1 di januari 2020 pa tur comerciante. A mustra cu ultimo añanan caba, contribuyentenan di impuesto por a paga ‘online’. Solamente cu ora cu aña bolter awor, e ta bira obligatorio pa inkomstenbelasting y pa negoshinan cu tin mas di 20 trahado.