Segun portal Israeli, victima di accidente di trafico fatal no tabata turista

Segun portal Israeli, victima di accidente di trafico fatal no tabata turista

Posted on 12/16/2018 8:32 pm AST | Updated on 12/16/2018 8:47 pm AST

ORANJESTAD – E victima di trafico cu a fayece diadomingo marduga na Aruba, esta Eden Shimoni, 26, no tabata un turista manera inicialmente raporta pa polis, sino un salesman pa un compania di producto di beyesa. No a bisa si cua compania di beyesa. Asina e portal di Israel www.ynetnews.com, cu a raporta e noticia diadomingo atardi, a bisa den su raportahe. Polis a informa anteriormente cu e tabata un turista, pero e portal Israeli ta bisa otro pues. Ademas e portal a sigui bisa cu un mensahe a wordo manda pa su famianan. Tambe cu ministerio di relacionan exterior a bisa cu e consulado na Den Haag ta asistiendo cu e transportacion di e curpa pa Israel.  

MAS INFORMACION

Un otro portal internacional di Israel ,www.israelnationalnews.com tambe ta confirma cu Shimoni tabata biba na Aruba y tabata bende articulo di baño. Ademas e ta bisa cu Eden ta sobrevivi pa su mama Oshrat y su dos rumanan Yarden y Adi. E intencion ta pa tene e entiero diamars caba. "Nos tin problema pa acepta su morto" e pareha di e mama a bisa. "Tur hende ta spera cu e noticia aki no ta berdad, Un tragedia grandi a sosode aki". Tambe nan ta describi Eden como un persona alegreo, y tabata skibi cas y bisa cu e tabata 'den shelo', unda cu e tabata biba. "Awor realmente e ta den shelo" e pareha di e mama ta sigui bisa. 

E ACCIDENTE

Manera raporta anteriormente, e  di 9 morto di trafico di Aruba pa 2018 a keda identifica como Eden Shimoniy (26) diadomingo mainta, un turista di Israel (segun polis) awe marduga. Asina vocero suplente di polis Liliana Rasmijn a confirma diadomingo mainta. Manera NoticiaCla a raporta caba awe marduga, tabata pa 3:27am cu central di polis a wordo notifica cu un accidente a caba tuma lugar riba caminda di Westpunt . Patruya a wordo manda cu urgencia na e sitio. Na yegada patruya a bin encontra cu un auto Hyundai Accent shinishi numera V-1236 cu e chauffeur basta grave herida. Patruya ta pidi pa un ambulance cu urgencia y tambe materialwagen di brandweer. Na yegada di  personal di ambulance a purba yuda e victima pero lamentablemente no por a haci nada p’e persona.  Pa 4:15 dr Texier a constata morto di e turista masculino Eden Shimoniy. Specialista di trafico a jega na e sitio di e susedido pa haci su investigacion . Tambe polis techinico. A pidi pa slachtofferhulp pa asina asisti e famia den e momento dificil aki. Manera indica caba, esaki ta di 9 morto den trafico pa aña 2018. 

 

  • Auto a sali dilanti auto di polis cu luz y sirena y causa accidente

    Auto a sali dilanti auto di polis cu luz y sirena y causa accidente

    CURA CABAI – Un patruya di San Nicolas cu nan luz y sirena cendi diaranson anochi bayendo direccion pa Sabana Basora pa duna un man cu caso di persecucion, a haya su mes den un accidente. Un auto tipo Vitz a subi caminda dal den e auto di polis bahando di pariba cu urgencia cu consecuencia cu e isuzu di polis a perde control, slide y sigui pa bay dal den un pickup y ranca un palo di luz. Ambulancenan a presenta cu urgencia na e sitio pa brinda asistencia medico na tur hende. Mientras cu mas patruya a yega pa cera caminda y polis di trafico tabata presente pa haci nan investigacion. Elmar tambe a presenta pa e trabounan necesario riba un palo di luz.

  • Cu ayudo di helicopter a logra para chauffeur di hit & run

    Cu ayudo di helicopter a logra para chauffeur di hit & run

    ORANJESTAD – Cu ayudo di e helicopter di polis, autoridad a logra pone man riba un chauffeur di un Toyota Corolla, cu a causa un persecucion largo diaranson anochi. Tabata na altura di Piedra Plat, ora cu e chauffeur di e Toyota a ‘hit’ e auto Kia di e compania Pizza Hut y ‘run’. E chauffeur di e auto di Pizza Hut no a basila y a sigui e Toyota Corolla. Polis tambe a wordo poni na altura cu a cuminsa cu un persecusion. E chauffeur di e Toyota tabata core hopi irresponsabel y a bay te Sta Cruyz, Jan Flemming sigui pa Rooi Frances y a bin caba te na Sabana Basora. Danki na e helicopter cu por a sigui e Toyota, ya cu esaki tabata core cu un velocidad hopi duro. Tabata te na altura di ex edificio di DTI cu a logra para e chauffeur di e Toyota, y detene esaki. Mester bisa tambe cu durante e persecusion, un auto di polis cu tabata na caminda pa e persecusion, a haye den su propio accidente ora cu un otro chauffeur no a duna preferencia na e polis cu tabata cu sirena e velocidad halto. E polisnan a keda herida levemente pero nada grave.

  • Hoben deteni pa ladronicia di pieza horta di auto

    Hoben deteni pa ladronicia di pieza horta di auto

    ORANJESTAD - Un persona a pidi asistencia di polis diamars atardi pa bay na un cas na Seroe Blanco despues cu nan a horta su altezza siman pasa . Y via facebook a haya mira potretnan cu ta di su auto unda na un cas na Seroe Blanco nan ta bendiendo algun pieza. Cu polis, nan a yega na e cas a topa cu partinan di e pieza. A detene un hoben pa sospechoso di ladronicia di auto.

  • Accidente entre autobus y pickup pa falta di preferencia

    Accidente entre autobus y pickup pa falta di preferencia

    ORANJESTAD - Na e T-weg pega cu e gasoline station na Ponton diamars atardi a sosode un accidente entre dos vehiculo pa falta di duna preferencia. E chauffeur di e pickup a subi caminda y no a duna preferencia y dal den un autobus biniendo for di nort. Den e autobus tabata tin varios pasahero (personanan) y algun a keda levemente herida. Polis di trafico tabata presente pa tuma dato, y personal di ambulance a yega pa atende cu e victimanan.

  • Turista ta haya attack den laman y fayece

    Turista ta haya attack den laman y fayece

    PALM BEACH - Awe dialuna 11:50 central di polis a manda patruya di strandpolitie pa Boca Catalina . E informa cu a drenta ta cu un turista mester a haya problema den lama. Na yegada di patruya por a compronde cu un homber turista lo a haya problema na unda su mes un yiu lo a yude y sake di lama y na unda e la a cuminsa cu cpr riba su tata. Ambulance a presenta pero lamentablemente no por a haci nada mas pe . 

  • Victima hit & run na Tanki Leendert a fayece

    Victima hit & run na Tanki Leendert a fayece

    ORANJESTAD - Awe dialuna mainta a drenta e informe cu e señora victima di hit & run cu a tuma lugar diadomingo anochi 3 di maart 2019 a fayece. Asina vocero suplente di polis Liliana Rasmijn a confirma dialuna merdia. Tabata pa 10:13 di awe diadomingo mainta dr Cassares ta constata morto di señora Anna B. Quandus Gavidia naci na Aruba dia 11-8-1936 (82 aña).  E accicente aki a tuma lugar diadomingo anochi 3 dia maart 2019 despues di parada grandi di playa na unda e señora a bay crusa caminda y a wordo alcansa dor di un auto.  E chauffeur di e auto Nissan Tiida no a para y a sigui core bay.  Ainda   Cuerpo Policial ta haci un peticion riba e pueblo di Aruba cu esun cu sa of a wak algo jama e tiplijn di polis cu ta 11141 , 100 cu ta central di polis of balashi 5852500 puntra pa agente policial Sophia, Meye of Croes. NoticiaCla y Cuerpo Policial Aruba ta extende palabra di condolencia na famia di e fayecida. Potret di e fayecida ta cortesia 24ora.com. 

  • Powered by SETAR