Fundacion SMAC ta nace oficialmente diahuebs mainta

ORANJESTAD – Mientras cu diabierna ta haya sa si e permiso di carnaval 2015 ta wordo duna na nan, fundacion SMAC ta haya bida diahuebs mainta. NoticiaCla.com a haya confirmacion cu diahuebs mainta 10’or e acta lo pasa dilanti notario, pa asina SMAC bira un fundacion oficial, cu e chens pa bira esun cu ta bay maneha Aruba su carnaval. Lo haya sa mesora tambe ken e integrantenan di SMAC ta, for di presidente te na e miembronan. Di otro banda, no ta sigur cu SMAC ta esun cu ta haya e permiso. Esey, segun NoticiaCla.com a compronde, ta bin tende diabierna. Di parti di SAC, NoticiaCla.com a compronde cu no a tende nada ainda si nan a haye of no. E abogado di SAC, Darin Crouch no por a confirma esaki diaranson anochi pa NoticiaCla.com.