DVG: Vacuna di influenza pa temporada 2018/2019 a yega Aruba

DVG: Vacuna di influenza pa temporada 2018/2019 a yega Aruba

Posted on 12/16/2018 11:27 am AST | Updated on 12/16/2018 11:27 am AST

ORANJESTAD - Tur aña di nobo entre luna di november pa december ta un custumber cu e grupo di riesgo den nos comunidad ta acudi na Departamento di Salud Publico pa busca nan vacuna contra griep (influenza).

Bou di grupo di riesgo nos ta referi na personanan cu ta na risico pa desaroya complicacionan grave manera bronkitis y pulmonia pa motibo di griep. E personanan aki ta hende grandi riba 60 aña, mucha bou di 2 aña, personanan cu ta sufri di malesanan cronico of malesa di nan sistema respiratorio. Tambe personanan cu obesidad, na estado y cu ta sufri di un sistema inmunologico abou.

Departamento di Salud Publico a informa na e grupo di riesgo y comunidad completo cu e vacuna contra influenza ta disponibel na e servicio di Malesanan Infeccioso pa Afl 20,-. Tur persona cu ta cay bou di e grupo di riesgo por pasa busca nan vacuna completamente gratis cu nan carnet di AZV y un recept di nan docter di cas. Adulto mayor riba 60 aña por presenta cu nan carchi AZV solamente. Pa mas informacion por tuma contacto cu servicio di Malesanan Infeccioso di Departamento di Salud Publico na 5224200

 

  • Meteo: Alerta pa biento duro y laman bruto ta sigui vigente

    Meteo: Alerta pa biento duro y laman bruto ta sigui vigente

    ORANJESTAD - Un alerta pa bientu duro i lama localmente bruto ta sigui na vigor diamars mainta y ta sigui te diaranson atardi 6’or y ta afecta full Aruba. Un alerta asina ta nifica cuentre un area di presion halto riba oceano atlantico y un area di presion abou riba parti noord di Colombia lo bai tin diferencianan grandi di presion den region di Caribe.

  • Oduber: Lo re-evalua structura di rotonde di beton

    Oduber: Lo re-evalua structura di rotonde di beton

    ORANJESTAD – E accidente tragico den fin di siman na rotonde di SuperFood, tabata un ‘eye opener’ segun minister di infrastructura Otmar Oduber a bisa diamars mainta durante reunion di Parlamento riba prespuesto di DOW. Segun Oduber, sinembargo raportanan di polis ta mustra cu no ta e rotonde tabata causa di e accidente fatal, sino barancanan prome cu e rotonde, cu a pone cu e auto a bin termina na e rotonde cu e motibo fatal. Esey sinembargo no ta kita afor segun Oduber cu ta considera e accidente como un alerta (eye opener) y a dicidi den fin di siman cu DOW cu ta bay re-evalua e structura di e rontonde pa loke ta uso di beton pa caba esaki. 

  • AHATA su Conseho di Mucha a bishita compania turistico

    AHATA su Conseho di Mucha a bishita compania turistico

    ORANJESTAD - Alumnonan di klas 6B di Scol Primario Kudawecha ta tumando parti den e program di “Conseho di Mucha” cu nan proyecto pa soluciona un dilema presenta pa Aruba Hotel and Tourism Association (AHATA). Na Januari CEO di AHATA, Tisa LaSorte, a bishita Scol Primario Kudawecha pa presenta e dilema cu ta pa motiva persona local hoben pa traha den e sector turistico y sostene e pilar di nos ecnomia.

  • Acto protocolario relaciona cu Dia di Himno y Bandera

    Acto protocolario relaciona cu Dia di Himno y Bandera

    ORANJESTAD – Awe mainta a tuma lugar e acto protocolario relaciona cu Dia di Himno y Bandera di Aruba. Cu presencia di varios dignatario di region, manera Gobernador di Corsou y St Maarten, e ceremonia a tuma lugar. E discursonan, ponemento di ofrenda floral y presentacion di varios acto di musica, y finalmente un defile di varios grupo uniforma, tanto professional como social. Despues a sigui actividadnan rond Aruba relaciona cu e tema. Potretnan ta cortesia di oficina di prome minister Evelyn Wever, y colega Hilario Donker.

  • Helicopter pa polis a yega Aruba diasabra merdia

    Helicopter pa polis a yega Aruba diasabra merdia

    NOORD – E helicopter pa polis cu gobierno di Aruba a firma un MoU un dia anterir, a yega Aruba diasabra merdia. Manera indica el a yega un dia despues cu e mester a keda presenta oficialmente na comunidad. Pa motibo di problema di permiso pa bula den espacio aereo Venezolano, cos no a sigui ayera. Pero diasabra (awe) esey a keda regla cu a pone cu pa merdia e helicopter a ateriza na aeropeurto di Aruba, busca Minister President Evelyn Wever Croes y Minister Andin Bikker (Husticia) y sigui pa Kazerne di bomber na Tanki Flip, cu lo bira e base di e helicopter. No ta prome biaha cu Aruba tin un helicopter pa polis, ya cu den pasado esaki tabatey caba. Solamente cu ora cu gobierno a cambia, a opta pa motibo di gasto y prioridad, no continua cu e servicio ey. E gabinete actual a opta pa trece esaki bek. 

  • Companianan Heavy Equipment cu otro deadline pa gobierno

    Companianan Heavy Equipment cu otro deadline pa gobierno

    ORANJESTAD – E grupo di compania cu ta opera heavy equipment, a duna gobierno (lesa minister Otmar Oduber:red) te diaranson otro siman, 20 di maart pa bin cu un update riba nan situacion di trabou. Si pa e fecha ey no a haya contesta, por spera un protesta atrobe, manera a haci biaha pasa, esta posibel blokeo dilanti Bestuurskantoor. Durante un conferencia di prensa, propietario di Cala Romana Patrick Bosset y Werner de Sousa a bisa cu nan no a tende nada mas di minister despues di nan reunion di dialuna ultimo. 

  • BCD1
  • Powered by SETAR