Minister a duna reconocemento na Grupo di Betico pa nan 50 aniversario

ORANJESTAD - Durante e celebracion di oro di Grupo di Betico den nomber di gobierno di Aruba, Minister di Cultura Xiomara Ruiz Maduro a brinda e grupo un reconocemento den nomber di Gobierno di Aruba pa e 50 aña di deleite y promocion di nos musica y cultura. Un grupo cu a cuminsa toca den seno familiar, awor ta un grupo cu ta tipifica e celebracion di fin di aña na nos Pais. Grupo di Betico su musica ta haci nos sinti na cas den seno familiar y aunke nos por ta lew di cas, nan musica ta keda conecta nos cu nos dushi Isla Aruba y nos celebracion unico di temporada di Pasco di Nacemento y Fin di Aña.