Segun e compania, ‘recall’ di producto di Del Monte ta valido pa Aruba tambe

WALNUT CREEK, Calif. – E compania Del Monte Foods Inc. ta haciendo un ‘recall parcial’ di 62,242 caha di e producto ‘Fiesta Corn Season with Red & Green Peppers’ como un medida di precaucion despues cu a nota cu e product ‘no tabata procesa corectamente cu por conduci na contaminacion mortal’. E recall ta afecta 25 estado Mericano y 12 localidad internacional incluyendo Aruba. Pero localmente no ta conoci ainda si esaki en berdad ta e caso. Departamento di Salud di Aruba a keda di check si esaki enberdad ta afecta Aruba. Den pasado, productonan cu ta haci mencion di Aruba, hopi biaha toch no ta wordo afecta. 

COMUNICADO

Den un comunicado di Del Monte, nan ta bisa cu ‘E desviacion aki tabata parti di un proceso commercial di sterilisacion y por resulta den contaminacion pa organismos di deterioro of patogenos, cu por conduci na malesa mortal si e wordo consume. Ta imporante pa nota cu no tabatin raportahe di malesa asocial cu e productonan aki te cu awor”

PRODUCTONAN AFECTA

E productnan posiblemente mal procesa  ta latanan di 15.25 ons cu e siguiente numeronan UPC riba e label. 24000 02770. E product tambe tin riba e lata, ‘best used by’ e fechanan poni riba e parti abou di e lata. 

August 14, 2021

August 15, 2021

August 16, 2021

Sept 3, 2021

Sept 4, 2021

Sept 5, 2021

Sept 6, 2021

Sept 22, 2021

Sept 23, 2021

Estadonan Mericano afecta pa e recall ta: Alaska, Alabama, California, Connecticut, Florida, Georgia, Illinois, Indiana, Kansas, Louisiana, Maryland, Michigan, Mississippi, Missouri, North Carolina, New Jersey, New York, Oklahoma, Pennsylvania, South Carolina, Texas, Vermont, Virginia, Washington y Wisconsin.

Destinacionan internacional ta inclui: Bahamas, Barbados, Belize, Bermuda, El Salvador, Haiti, Guyana, Uruguay, Aruba, Panama, Saint Lucia, Suriname.