Turista ta fayece despues di a landa na Palm Beach

ORANJESTAD – Un turista despues di a landa na altura di Playa Linda, a fayece a consecuencia di un atake di curason. Asina vocero suplente di polis Liliana Rasmijn a informa. Tabata media pa 12:08 cu central di polis a wordo notifica door di personal di strand politie cu un turista lo a haya problema den lama banda di Playa Linda.  Central a manda ambulance na e sitio di e sucedido di biaha. Eynan e personal di ambulance a stabilisa e turista masculino y a hibe cu urgencia pa hospital. Pero lamentablemente pa 13:07 dr Vulto ta constata morto di e turista A.T. naci na Italia dia 20 april 1962. Slachtofferhulp a presenta na hospital pa asina juda e famia den e momento dificil aki .

Na prome instante a pensa cu e turista lo a haya problema den lama pero a bin resulta cu e la bira malo ora e la caba di landa . Na e canto di lama e lo mester a sak  den otro.  Causa di e morto ta atake di curason.