ORANJESTAD - Pa dies aña, Migracion Aruba a usa e ‘Border Control System Management’ cu ta RADEX BCMS na e aiport na Aruba pa sigura un maneho di frontera sigur y efectivo. Dos aña pasa, e desaroyador di RADEX, Gamma IT Solutions, a wordo puntra door di Ministerio di Husticia pa actualisa y modernisa e sistema. Gamma ta orguyoso pa anuncia cu e version actualisa, cu ta un aplicacion completamente nobo cu hopi modulo y interfaces nobo, hardware nobo, servers y ekipo specialisa, a wordo lansa na Aeropuerto durante e siman di 19 november, 2018.
RADEX BCMS ta un sistema pa maneho e control di frontera cu ta ekipa cu e hardware y software mas actual incluyendo ‘multi-biometric capture’ y opcionan di busqueda y registracion. E carasteristicanan clave ta inclui e proces di e prome etapa, cu ta inclui controlnan basa riba databases di paspoorts horta, ‘wanted lists’ y cualkier otro database cu un pais ta desea. Ademas, ta inclui e proces di e segundo etapa cu ta inclui buskeda y registracion ‘multi-biometric’, reportenan, siguridad y administracion.
Cu e actualisacion reciente di RADEX BCMS, Gamma ta orguyoso di por ofrece e tecnicanan mas actual di fingerprint y scan facial pa por usa den e bukeda y registracion ‘multi-biometric’. Tur esaki ta trese cun’e un mehoracion den e tempo di procesa e biaheronan.
E actualisacion di RADEX BCMS no solamente tin puntonan positivo pa e control di frontera na Aruba, e aplicacion tambe ta increiblemente valioso pa e parti di turismo. RADEX BCMS ta presenta varios interface y modulonan cu ta link informacion valioso entre e instancianan di control di frontera y e autoridad di turismo. Un di e modulonan, e ‘Online ED Card’, ta hopi interesante door cu e ta permiti ATA (Aruba Tourism Authority) pa pre-market na turistanan, e ta evita erornan na entrada na Aruba y ta reduci e tempo di procesa na airport. Otro modulonan ta entre otro, modulo di turismo, modulo di Fixed Base Operator, modulo di unidad portatil, modulo pa Guarda Nos Costa y modulo pa ESTA.
ORANJESTAD - Desde 2019 131 a incorpora un Conseho Hubenil den nan organisacion. E Conseho Hubenil di 131 su tarea ta pa primeramente duna conseho solicita y no solicita na e organisacion. Tambe nan ta duna conseho ariba proyectonan di 131, prome cu nan ser implementa. E Conseho Hubenil di 131 ta duna e organisacion un bista cu precision di kiko ta pasando bao di mucha y hoben y pakiko.
ORANJESTAD - Den cuadro di transparencia y informacion nos di Horacio Oduber Hospital ta comparti cu boso e cifranan pa loke ta luna di februari 2024. Como Hospital ta importante y alabes interesante pa duna comunidad di Aruba un indicacion di cuanto pashent Hospital ta atende mensualmente, cuanto operacion ta tuma luga, pero tambe cuanto baby a nace durante luna, cuanto pashent a regresa cas despues di admision y mas.
ORANJESTAD – Faltando 4 luna pa e eleccion presidencial di Venezuela, un grupo di Venezolano residencia na Aruba a expresa su preocupacion y frustracion ‘pa e ausencia di material electoral den Consulado (di Venezuela) na Oranjestad. Asina e portal di Venezuela LaPatilla.com ta raporta. Segun e portal, un grupo di Venezolano a presenta nan disgusto na e sede di Consulado. Mes momento nan a informa nan mes di e rekisitonan nobo cu ciudadanonan Venezolano residencia na Aruba mester cumpli cu ne pa por eherce nan derecho di voto: Carda di Censo, y cedula di identidad di Aruba, y pasaporte y cedula Venezolano vigente.
ORANJESTAD - Aruba Tourism Authority (A.T.A.) a firma acuerdo di un aña cu Fundacion Parke Nacional Aruba (FPNA). Cu e acuerdo strategico aki, A.T.A. ta reafirma su compromiso pa sigui traha di cerca cu FPNA como un sosten mutuo pa cu esfuersonan continuo den proteccion y preservacion di nos naturalesa..