Avionan Ruso bombardero cu a yega Venezuela creando speculacion

CARACAS — Dos avion Ruso bombarderos capable di carga armanan nuclear a aterisa na Venezuela dialuna, creando hopi speculacion pa cu e tension entre Merca y Venezuela. Tanto ministerio di defense Ruso como Venezuela a confirma cu dos bombardero Tu-160 a yega Maiquetia, pero no a bisa si e avionan tabata contene arma nuclear ni con largo nan lo keda Venezuela. Hunto cu e avionan, a bin un avion di carga military Ruso. E tipo di avionan aki Rusia a usa den campaña na Siria. E despliege di avion dialuna ta sigui un bishita di e presidente Venezolano Maduro na Rusia siman pasa pa yuda cu asistencia economico y politico, aunke nan tin problem pa cumpli cu nan compromisonan financiero na Rusia.

SPECULACION

Tur instancia noticioso den region y paisnan a cubri e yegada di e avionan aki mirando e possible situacion cu esaki ta crea un situacion peligroso di guera den region. Ya caba tin informacion ta circula cu Hulanda lo ta buscando informacion riba e avionan aki y kico mester pensa di e situacion aki. Agencianan di noticia Mericano ta riba e noticia aki indicando cu esaki ta un menasa pa seguridad di e region, sigur mirando e hecho cu e avionan aki nan poder ta grandi, completo cu e capacidad nuclear. Den e dianan nos dilanti lo tin mas informacion kico e avionan aki por nifica y kico tin cu lesa den nan presencia cerca di nos.