Tweede Kamer no ta haya contesta riba caso Henk Brons ainda

Tweede Kamer no ta haya contesta riba caso Henk Brons ainda

Posted on 12/10/2018 4:24 pm AST | Updated on 12/10/2018 4:26 pm AST

DEN HAAG – Minister Kajsa Ollongren y secretario di estado Raymond Knops no ta bay contesta pregunta ainda riba e asunto di gastamento di placa di ex representante di Hulanda Henk Brons. Asina Tweede Kamer a tende dialuna di e minister responsabel pa e cartera. Ta trata di preguntanan di miembronan van raak(SP) y Van der Molen, Van den Berg y Omtzigt(tur tres CDA), basa riba un noticia riba NOS na November cu Brons lo a haya 40 mil euro pa a permanece 18 dia na Corsou. Algo cu a crea hopi pregunta na Hulanda. Entre nan preguntanan di miembronan di Tweede Kamer. Pero a bin compronde cu e ministernan respectivo a opta pa no contesta preguntanan ainda, pendiente investigacion di e.o. Auditdienst Rijk osea ADR. E mandatario a informa dialuna cu pa fin di januari 2019 e ta spera di haya un rapport riba e suseso y e ora por duna comentario. Henk Brons tabata representante di Hulanda na Corsou te cu april di e aña aki ora cu el a bira e director Relacion di Reino na BZK. (Binnenlandse Zaken en Koninkrijks relaties.   

 

  • Sospechoso di atentado na Utrecht a keda deteni!

    Sospechoso di atentado na Utrecht a keda deteni!

    UTRECHT – Polis Hulandes a detene e sospechoso di e atentado den un tram na Utrecht, e Turko Turco Gökmen Tanis (37)  dialuna anochi 6:30pm ora di Hulanda. Nan a detene den un cas na Utrecht mes. Gökmen Tanis ta wordo sospecha di a mata 3 persona y herida 9 den un tram mas tempran den un tram na Utrecht, Hulanda. E homber lo a los varios tiro den e ultimo cabina di un tram cu tabata riba e plein 24 di October den provincial di Utrecht. Asina alcalde Van Zanen a bisa.  Ainda autoridad Hulandes ta considera esaki un acto terorista pero a baha e nivel di alerta di 5 pa 4, despues cu a logra detene e sospechoso.

  • Tres morto y 9 herido den atentado den tram na Hulanda

    Tres morto y 9 herido den atentado den tram na Hulanda

    UTRECHT – Tres morto y 9 herido ta loke polis Hulandes ta raporta dialuna merdia despues di e atentado den un tram mas tempran den un tram na Utrecht, Hulanda. Un homber a los varios tiro den e ultimo cabina di un tram cu tabata riba e plein 24 di October den provincial di Utrecht. Asina alcalde Van Zanen a bisa. Polis tin bista riba un sospechoso, un Turco Gökmen Tanis (37) cu ainda ta fugitivo. Polis a publica un potret (saca den tram awe mainta di e fugitivo).  Polis a pidi pa no acerca e persona pero si raporta esaki na polis mesora. Autoridad Hulandes ta considera esaki un acto terorista. 

  • Caso di tiramento den tram na Utrecht, Hulanda

    Caso di tiramento den tram na Utrecht, Hulanda

    UTRECHT – Den un tram den Utrecht riba ‘Plaza 24 di October’, un homber a tira riba hende, heridando varios y unda cu tin un posibel morto dialuna mainta cuarto pa 11 (ora di Hulanda) . No ta hopi cla kico a sosode exactamente pero polis ta tene cuenta cu por trata di un acto di terror. E homber cu a comete e acto, a logra huy den un auto y polis ta en busca di e persona. Polis a aumenta e nivel di menasa na esun di mas halto, esta 5. Prome Minister di Hulanda Mark Rutte a yama e situacion uno ‘preocupante’ 

  • OM a exigi bida largo di prison pa conocido criminal Holleeder

    OM a exigi bida largo di prison pa conocido criminal Holleeder

    AMSTERDAM – Si ta pa Ministerio Publico di Hulanda, e conocido criminal mas popular di Hulanda Willem Holleeder (60) ta bay cera pa bida largo. Segun OM, e ta co-responsabel pa por lo menos 5 likidacion den e periodo 2003-2006. Corte ta dicta sentencia na juli proximo. “ E castigo mester evita cu e sospechoso por haya e posibilidad pa continua cu su ‘practica’” segun e fiscal. Ta trata di asesinatonan contra Cor van Hout, Kees Houtman, Thomas van der Bijl, Willem Endstra y John Mieremet. Holleeder tabata responsabel tambe pa e secuestro di e doño di Heineken hopi aña pasa. 

  • Knops: A priminti Aruba y Corsou ayudo awe pa situacion Venezuela

    Knops: A priminti Aruba y Corsou ayudo awe pa situacion Venezuela

    DEN HAAG – Gobierno di Reino Hulandes ta tratando pa logra un excepcion cu gobierno di Venezuela pa pasaheronan pega na tanto islanan ABC y Venezuela respectivamente, por bolbe nan pais por lo menos. Asina secretario di estado Hulandes Raymond Knops a contesta Parlamento Hulandes awe diabierna pa medio di un carta. Ademas el a priminti Aruba y Corsou asistencia diabierna pa cu e situacion di asilo politico y migracion for di Venezuela. “E apoyo lo wordo trata den bon consulta cu autoriidadnan di Aruba y Corsou riba termino corto” Knops ta bisa. 

  • Ministerio Hulandes ta admiti cu recompensa internacional tabata mucho halto

    Ministerio Hulandes ta admiti cu recompensa internacional tabata mucho halto

    DEN HAAG – Ministerio di Relacionan Interior Hulandes a faya den duna un ‘toelage’ di sigur 40 mil euro na un ambtenaar halto Henk Brons. El a haya e suma aki pa a keda den exterior mientras cu e tabata realmente bibando na Hulanda. E raport riba e tema a keda presenta dialuna na Hulanda. Minister Ollongren a laga investiga e caso y ta di acuerdo cu e rapport cu ‘reglanan no a keda bon aplica pa esnan responsabel’. Asina e portal di noticia NOS ta raporta dialuna. “Brons no tin culpa, segun e carta pa Tweede Kamer.  

  • Powered by SETAR