Warda Costa di Caribe a intercepta ‘go fast’ cu droga na Corsou

WILLEMSTAD – Diadomingo anochi Warda Costa di Caribe a intercepta un boto tipo ‘go fast’ den cercania di Corsou, cu tabata purba hui na 30 km di costa. A nota cu esnan abordo di e go fast tabata purba deshaci di bultonan den laman. A tira di advertencia pa purba para e go fast pero a sigui un persecucion cu finalmente a bin para e go fast door di elimina e motor.  Warda Costa a logra saca tur e bultonan for di laman y pa loke ta e go fast mes, a logra detene tur 5 persona abordo. Tanto e personanan deteni como e bultonan a keda entrega na polis di Corsou na Parera. Ta mustra cu e bultonan tabata contene droga.