Aruba su rotondenan decora den ambiente di fin di aña

ORANJESTAD – E aña aki, for di San Nicolas pa  Ritz Carlton, tin entre 10 pa 15 rotonde cu e aña aki a keda dorna pa dianan di fiesta. Notable ta e forma con a dorna esaki e biaha aki, unda cu e structura tabata uno mas professional y acaba cu mas luz structural. Particularmente e adorno dilanti Bestuurskantoor ta hayando hopi reaccion pa e forma di e ‘palo di pasco’, con esaki ta forma. Di otro banda tin varios rotonde importante cu no a haya decoracion e aña aki, manera esun di Sasaki y algun otro cardinal, cu lo tabata bunita pa nos bishitantenan sigur. NoticiaCla a haci un recorido den fin di siman pa purba gara parti di esaki. Mester bisa cu fuera di e rotondenan aki, ta keda e areanan manera Weg Seroe Preto, Caya Principal y varios otro area cu ta conoci pa decoracion di luz di pasco durante dianan di fiesta.