Tres militar deteni na Corsou pa denuncia falso di robo, hit & run y accidente di auto

WILLEMSTAD – Tres militar na Corsou ta deteni awe, relaciona cu un accidente recientemente unda cu tin tambe un caso di denuncia falso. E accidente a tuma lugar diasabra pa diadomingo marduga nan unda cu e chauffeur di e auto di e auto afecta a keda herida levemente. E posibel ocasionante di e accidente a sigui core, (hit & run) y e auto (gehuurd) a wordo haya na un cas. E siguiente mainta e causante di e accidente a haci un denuncia di robo di e auto na polis. E acusacion contra e personanan awor ta toca tres punto, esta ocasiona accidente cu herido, bandona e sitio di accidente, y haci un denuncia falso. E auto cu ta e auto causante, tabatin fuera di e chauffeur, 2 pasahero mas, y tur den e auto tabata military. Nan a keda deteni awe diabierna door di Koninklijke Marechaussee (KMar) riba orden di ministerio publico, pendiente investigacion. E sospechosonan ta  H.E. (1991) B.E.G. de J. (1997) y H. v/d V. (1992). Si resulta cu tin suficiente prueba pa e acusacionan, lo deporta e militarnan for di Corsou y manda nan bek Hulanda unda cu lo sigui persigui nan. Nan ta na Corsou relaciona cu un ehercicio militar.