The Cinema a introduci su di dos VIP auditorium cu servicio completo ayera

Posted on 12/7/2018 10:25 am AST | Updated on 12/7/2018 10:49 am AST

ORANJESTAD – Despues di varios siman di anticipacion,  diahuebs anochi The Cinema na Rennaisance Marketplace a inaugura nan VIP premium auditorium number 2, completo cu e servicio di un invitado VIP. Miembronan di prensa di Aruba tabata e promenan invita pa experencia e servicio completo aki. E idea ta pa e experiencia di bay cine estilo VIP ta uno total, for di momento di cumpra e carchi, te na e stoelnan comodo, y e servicio di cuminda y bebida treci te den bo stoel, pa un waiter special. Sin cu bo tin cu lanta for di bo stoel. 

AUDITORIUM VIP CU SERVICIO

Algun siman atras The Cinema a introduce e prome VIP auditorium, unda cu por a nota e diferencia caba den e muebles. Stoelnan cu ta bay full patras, cada un cu su mesa, y un sala rediseña pa cumpli cu e ambiente di un VIP. Despues di algun siman mas di trabou, diahuebs a comberti auditorium # 6 tambe como uno VIP. E diferencia ta pues cu for di diahuebs, a presenta e servicio (casi) completo unda cu fuera di e stoelnan comodo, a presenta e servicio di waiter, cu ta lagabo order bo cuminda y bebida den comfortabilidad di bo stul, completo cu menu. Bo ta djies primi un boton na bo stul, e waiter ta bin tuma bo order, bo ta paga den bo stul y ta disfruta di bo pelicula. Pues e parti di bay para den rij na e ‘consession stand’ ta pasa pa historia. E idea ta pa entrante otro siman, ofrece tambe e posibilidad pa cumpra ticket estilo VIP, den un lugar special cu ta evita paramento den rij. E intencion ta pa despues introduci te hasta un app cu ta lagabo haci varios cos via bo smartphone. 

EXPERIENCIA

E experiencia diahuebs tabata sublime. Miembronan di prensa a goza di e experiencia di e stoelnan comodo, pero mas ainda e servicio di waiter, cu ta ponebo sinti como un real VIP. Ta ora cu bo tin cu bay sali di e sala, bo ta corda cu bo ta na Aruba den un sala di cinema y no den bo cas. Manera e gerente di MetaCorp, doño di e establecimento, esta Eddie de Veer a bisa diahuebs anochi: E no ta cuestion di cua pelicula bo ta wak, e ta e comfortabilidad di tin bo stoel y of cama. Pues esey ta e punto principal, esta e comfortabilidad den cual bo ta wak un pelicula awendia. Y cu e parti aki nobo na The Cinema, sigur nan a logra esaki.

PRIJS PA VIP

E prijs pa mira un pelicula como VIP ta uno special y ta bira dialuna, diamars y diahuebs 21 florin pa ticket,cu Supercard 16 florin. Diarason ta 15 florin. Diabierna, Diasabra y diadomingo ta 23 florin cu Supercard ta 19 florin. Pa cumpra un supercard, esaki ta sali apenas 1 florin te cu fin di januari. Pa apenas algun florin mas, e experiencia ta bira uno VIP, cu bo no kier perde. 

  • Fundacion Sea Bunita Sea Bo Mes Fashion Show 2019 un exito completo

    Fundacion Sea Bunita Sea Bo Mes Fashion Show 2019 un exito completo

    ORANJESTAD - Fundacion Sea Bunita Sea Bo Mes Fashion Show 2019 a resulta di ta un exito completo, diasabra ultimo den un Renaissance Convention Center completamente yen, na unda nos muchanan special a briya hunto cu nan celebridadnan riba escenario. Tur cos a cuminsa pa banda di 7.15pm na unda nos Prome Minister Evelyn Wever-Croes a habri desfile di e tapijt cora hunto cu su modelo special Johnisha Medina realisando su soño di wordo acompaña pa nos Prome Minister di Aruba. Asina tambe tur nos modelonan special a pasa ariba tapijt cora desfilando pa e gran show. Un bon show cu un bon programa hinca den otro cu di principio te final a luci fantastico. Mester bisa cu nos muchanan, hobennan y adultonan special a gosa y briya asina special ariba e escenario. Esaki nos por a tuma nota cu nan expresion di cara y cu un smile asina grandi transmitiendo e alegria cu ta brota di nan curazon. Palabranan di elogio pa e motornan tras di Fundacion Sea Bunita Sea Bo Mes cu ta sr. Hans y sra. Marienela Geerman cu a traha incansablemente pa logra e di 4 aña di e sublime show aki. Un pabien na e mayornan di tur nos dushi muchanan y hobennan special cu a yuda y laga nan yiu participa y na un y tur cu di un manera of otro a contribui pa haci e show aki exitoso.

  • Kiwanis Club Aruba y New India Assurance a lansa video nobo Don’t Text & Drive

    Kiwanis Club Aruba y New India Assurance a lansa video nobo Don’t Text & Drive

    ORANJESTAD - Kiwanis Club of Aruba y New India Assurance a lansa diaranson mainta dia 5 di juni e segundo video di e proyecto “DON’T TEXT & DRIVE”. E prome video a keda presenta den luna di februari, cu Korpschef di politiekorps, Sr. Andrew Hoo. E Presidente di Kiwanis Club of Aruba, Edalitza Weller,  durante e conferencia di prensa a elabora cu ya pa mas di 30 aña Kiwanis Club of Aruba tin diferente proyecto pa conscientisacion di siguridad den trafico na Aruba. Miembro di Kiwanis Club of Aruba y alabes “Chair” di Traffic Awareness Committee, Jo-Anne Arends y Kaveri Raghunath, Managing Director di New India Assurance a splica tocante e video aki.

  • 840 voluntario a participa den AHATA su limpiesa di costa

    840 voluntario a participa den AHATA su limpiesa di costa

    ORANJESTAD - Aruba Hotel & Tourism Association (AHATA) a organisa e di 18 edicion anual di limpiesa di costanan rond di Aruba. Esaki tabata na honor di Dia Mundial di Medio Ambiente y Dia Mundial di Oceano. A conta cu participacion di companianan miembro di e asociacion, diferente scol, y individualnan cu a bini hunto pa yuda haci limpi na un total di 14 area. 

  • Fundacion Bernadina cu e di 7 festival di canto diasabra awor na Brazil

    Fundacion Bernadina cu e di 7 festival di canto diasabra awor na Brazil

    BRAZIL - Miembronan di fundacion Bernadina Growell-Kock a invita un y tur pa e di 7 Festival di canto dedica na mama di Cultura Bernadina Growell-Kock recientemente. Representante di e fundacion Mervin Ras a trece padilanti cu e festival lo tuma lugar diasabra awor dia 8 di juni venidero anochi di 8pm-1 or am den Centro di Bario Brazil. 

  • S.A.B.A. Oranjestad y Rotaract Club a presenta un show di moda

     S.A.B.A. Oranjestad y Rotaract Club a presenta un show di moda

    ORANJESTAD - En connexion cu  celebracion di dia di Mama, Stichting Algemene Bejaardenzorg Aruba y Rotaract Club of Aruba a percura pa un anochi diferente y dibertido pa e habitantenan di S.A.B.A. Oranjestad. 

  • “Around the World with Flight RCA 2019” Fundraiser anual di Cruz Cora Aruba

    “Around the World with Flight RCA 2019” Fundraiser anual di Cruz Cora Aruba

    DAKOTA ? Falta dos siman y mei pa e fundraiser anual di Cruz Cora Aruba, y preparacionan ta den ful swing. E invitado lo yega Aruba Surfside Marina y lo sinti mesora e gana di bai riba un biahe!  E aña aki, e team a bin cu un tema algo diferente. “Around the World with Red Cross” ta duna tur hende e oportunidad di expresa su deseo pa biaha, sea ta cu un toke di un destinacion preferi, of por join e crew di avion. Manera semper, tur hende cu kier join bisti cu algo inspira pa e tema, ta bon bini.  Por wak ideanan leuk riba Facebook page di Red Cross Aruba.

  • Powered by SETAR