Homber ta muri den candela di cas

ORANJESTAD - Diaranson pa mas o menos 2'or y 15 ta drenta un informacion di un candela na un cas na Palm Beach. Mesora polis y brandweer ta bay na e sitio. Candela a cuminsa abou y e cabayero aki tabata drumi riba e di dos piso y aparentemente e huma a stik e. Ora cu brandweer a sake for di e camber, mesora a pidi presencia di ambulance. Na yegada nan a cuminsa reanima e persona, pero despues di basta rato intentando pa re anima e cabayero, a bin ripara cu e no ta duna señal di bida mas. Mesora a pidi pa autoridadnan concerni y pa 3'or y 33, dokter ta constata morto di Marvin M F.(26) naci Aruba dia 30 di april 1988 y tabata biba na Palm Beach 504. A pidi slachtofferhulp pa trata cu e famia y Elmar pa desconecta e coriente. Pa 4 or y 25 Aurora Funeral home a bin busca e curpa. NoticiaCla.com ta manda palabra di condolencia na famianan di e fayecido.