InselAir International debe aeropuerto di Aruba casi mey miyon florin

ORANJESTAD/ WILLEMSTAD – InselAir International su debe total ta NAFL 164.017.437,31 esta mas di 164 miyon florin Antiyano y tin un total di 185 creditor cu e debe placa. Esaki segun un lista publica dia 20 di November ultimo cu ta den poder di NoticiaCla. For di e lista aki por nota cu InselAir International debe InselAir Aruba mas placa cu e debe gobierno di Corsou. E prome riba lista di creditor, ta e compania cu cual a lease e avionan esta Best Value Great Care NV. Awe tardi huez mester a determina si ta aproba e deal pa e compania interCaribbean cumpra InselAir International. 

DEBE

InselAir Aruba NV ta number dos riba e lista como creditor pa cual InselAir International BV debe NAFL 37.300.891,59. E debe cu e compania tin contra gobierno di Corsou ta NAFL 23.000.000,=. Otro companianan di Aruba cu tambe ta aeropuerto di Aruba (AAA) cu ta un debe di casi mei miyon florin, esta NAFL 404.064,40, y ANSA (na di 71 luga) cu nan debe NAFL 87.937,01,. Mas halto riba e lista, ta departamento di impuesto. 

VARIOS AEROLIÑA

E compania debe varios aeroliña y hotel, entrenan InselAir Aruba, KLM, Lufthansa, Fly Always, Avianca, Trupial Inn, Curacao Airport Hotel, EM City Hotel, Westin Dawn Beach Resort, Sonesta Maho y mas. 

CREDITORNAN

E lista di creditornan cu 185 na tur, sigui pa un lista largo di trahado cu mester sea haya nan placa, of pensioen paga, ta largo. Hopi ta cuestiona e deal cu e compania interCaribbean kier cera cu InselAir International, cu ta encera entre otro un pago di 3.500 florin pa cada creditor y durante 9 aña, un porcentahe di e debe habri. Pa varios di nan e suma ta un bofta den cara di e creditor segun algun abogado a splica e portal aki. Di otro banda, ta pensa cu miho algo cu nada. Hopi no ta kere cu e deal aki ta e miho deal, pero na final di cuenta ta huez tin ultimo palabra.