Parlamento di Corsou a acepta mocion pa deshaci di gobernador

WILLEMSTAD – Parlamento di Corsou diamars a aproba un mocion, cu cual de hecho no mester di gobernador mas. Entre e puntonan di e mocion, gobernador lo no ta necesario mas pa aproba un funcion di minister, ya cu esaki lo mester e responsabilidad di parlamento mes. Cu esaki, ta nifica cu basicamente e caminda ta liber pa pone ministernan riba funcion sin cu nan mester wordo gescreened pa integridad. Parlamento ta pensa otro y ta hacie mas bien pa evita cu Hulanda por cay aden y haci y deshaci manera cu nan ta kere ta bon. Por considera esaki como parti di e reforma cu entre otro lider di partido MFK, Gerrit Schotte a bin ta boga pe.

E mocion pues ta un reaccion directo riba e ultimo paso di gobierno di reino hulandes contra St Maarten. Manera ta conoci, Conseho di Minister di Reino diabierna a impone un aanwijzing (instruccion) riba gobernador di e isla, cu e fin pa para nombracion di cualkier minister di e isla, te ora cu cumpli cu un screening rigoroso. Ta sospecha cu algun di e candidatonan, incluyendo esun poni pa bira prome minister Theo Heyliger, di corupcion.

Cu e mocion, entrega pa e lider di e partido MFK, parlamento ta haci intento pa pidi gobierno di Corsou pa cambia e constitucion di e isla. Pa esaki por sosode, mester di 2 tercera parti pa esaki por sosode.( Lesa e mocion aki)

.