Ballast Nedam a gana destaho pa cuminsa proyecto di expansion di aeropuerto

ORANJESTAD – E compania Ballast Nedam International Projects a gana e destaho publico pa cuminsa trabou di expansion di nos aeropuerto Reina Beatrix. Asina e portal The Construction Index ta raporta. Manera ta conoci Aruba Airport Authority (AAA) ta planeando pa expande e edificio principal y renoba e parti existente pa por atende cu e demanda creciente di e trafico di pasahero. E trabou cu e contratista a haya, ta pa prepara e trabou fisico pa expansion, incluyendo realoca e sistema actual di coriente y awa, y e aceso di e porta principal pa e pista di aterizahe, pa vehiculo.  Ballast Nedam lo construi un central nobo di utilidad y e edificio pa entrada di e asina yama ‘airside’. E ta proyecta tambe pa inclui instalacion, prueba y instalacion di varios ekipo y sistema.