Ex premier Schotte ta entrega su mes diaranson na prison Bon Futuro

WILLEMSTAD – Diaranson mainta ex prome minister Gerrit Schotte ta meld su mes na prison Bon Futuro pa cuminsa sinta su castigo di 3 aña di prison. Asina Schotte mes a declara dialuna atardi durante su ultimo conferencia di prensa. “Mi ta prepara pa bay sosega mi mente, mi alma leu for di famiar den locual awe nos ta yama ‘Bon Futuro’ (prizon:red)” Schotte a bisa. El a comparti su examen medico recien, cu ta bisa cu fuera di un poco cholesterol halto, su salud ta bon.  “Mi ta laga atras un famia bunita” Schotte a bisa, refiriendo na su dos yiunan muher chikito, y nan mama y e dos yiunan grandi cu e tin. El a haci un peticion na pueblo, pa no keda keto y sigui busca e berdad. E ta considera su mes un preso politico awor. “Diaranson awor 9’or di mainta mi ta entrega mi mes” Schotte a finalisando. Prome cu esey, el a repasa cierto partinan di e caso te cu awor. Potret ta screenshot di transmision di conferencia di prensa, cortesia di Yves Cooper.