Ganadonan di “My Guardian Group Walk & Run 2014 Aruba” ta cla pa participa na Corsou

Oranjestad – Durante e diadomingo di 1 di juni 2014 un cantidad grandi di participante a tuma parti na e grandioso “My Guardian Group Walk & Run” aki na Aruba. E tabata un competencia di 6 y 10 km. E ganadoranan absoluto a gana e oportunidad pa participa na e “My Guardian Group Walk& Run 2014” na Corsou. E ganadonan di 6 km, esta Chester Hill y Joa-Anne Kock y e ganadoranan di 10 km Jean Andrew Fingal y Merrienne Stamper lo haci uzo di nan premio pa biaha pa Corsou y pa participa na “My Group Walk & Run” (ex Fatumloop) diadomingo venidero dia 26 di October 2014. Guardian Group Fatum Aruba a invita e 4 ganadonan pa asina deseanan un bon biahe y naturalmente hopi exito cu e competencia na Corsou.

Gerencia di Guardian Group Fatum Aruba tambe lo ta presente na Corsou, apoyando e atletanan di Aruba y tambe pa ta parti di e competencia aki. Tur hende por participa, ya cu e participacion ta mas importante cu gana.

E di 31 “My Guardian Group Walk & Run 2014” na Corsou, lo cuminsa mainta trempan pa 6:30, saliendo for di Guardian Group Fatum na Cas Coraweg pa sigui door di e tiendanan di Changes Pro Sport, pa termina na e Beach di Wet ‘N Wild, unda cu sigur lo bay tin un tremendo ambiente. Ta spera na e “Walk & Run” aki sigur ariba 8mil participante . Pa mas informacion por bishita e pagina di internet di “My Guardian Group Curaçao” www.myguardiangroup.com. Guardian Group Fatum, kier felicita un biaha mas Chester Hill, Joa-Anne Kock,

Jean Andrew Fingal y Merrienne Stamper pa e gran prestacion durante “My Guardian Group Walk & Run 2014” aki na Aruba y sigur nan lo tene nan nomber y di Aruba na halto. Tambe ta desea hopi exito na e atletanan cu tambe ta bay participa di Malmok Runners , All Distance Runners Aruba (ADRA), Aruba Sabana Liber Runners ASLR y Atletana di Compra N.V.