Temblor fuerte ta sacudi estado Mericano di Alaska

ALASKA – Un temblor fuerte a sacudi e estado Mericano di Alaska, cu a pone tur hende core di edificio pa nan seguridad. Mes momento e temblor a genera un alerta di tsunami pa areanan costeño. E centro di e temblor tabata ubica na 7 miya (11km) nort di Anchorage, e ciudad mas grandi di e estado.  Mas of menos 300 mil hende ta biba den Anchorage y 100 mil den e area rond di dje. E alerta di tsunami mientrastanto a keda cancela. No ta conoci con hopi e daño ta aunke tin potretnan di edificio y camindanan kibra.