Vianney Coffie e prome polis pa participa den Competencia Ironman

Posted on 11/30/2018 11:23 am AST | Updated on 11/30/2018 11:24 am AST

MACUARIMA -  Vianney Coffie un polis no desconoci den nos comunidad lo participa den IronMan 2018. Vianney Coffie ta forma parti di e  unidad canino miho conoce como (K9 UNIT) di Cuerpo Policial Aruba. Tur cos a inicia na e comienso di e aña aki ora ela participa den Ronde van Aruba. Esaki tabata e comienso di un hazaña cu awe e ta bai participa na Iron Man na Colombia.

Despues cu e exigencia di Scol di Polis tabata halto den loke tabata deporte, esey a motiva Coffie pa duna 100% di su parti den deporte pa asina e por termina y haya su MBO diploma di polis. E no por a hacie su so. Hunto cu su coleganan di klas nan a yude y pushe  pa asina e pone su mente dirigi pa logra su metanan. Ora ela wak cu nada ta imposibel, ta di e momento ey ela  wak cu un carera nobo lo inicia su dilanti. Ela hinca su mes den deporte no solamente pa e parti fysico pero mentalmente tambe pa asina e por yega final na cada evento deportivo.

IRON MAN 2018:

E Iron Man lo tuma lugar na Colombia.Ta trata aki di un version chikito cu yama 70.3 cu Coffie lo participa. E ta incera 1.9km di landamento, 90km di bicicleta y un half marathon di 21km na pia. Bryan Lampe ta un un di so sostenedornan cu a pushe pa cu awe e ta bai pa e di 2 hazaña cu ta e Ironman. Coffie mes a haci su sondeo y a constata cu na Aruba, Boneiro y Curacao no tabata tin niun agente policial cu a yega asina leu pa den  e evento di magnitud asina aki. Coffie lo ta e prome agente policial di Aruba cu lo participa den e evento aki cu lo carga Aruba y KPA den exterior.

E aña aki Coffie a atende diferente evento deportivo. E motivacion lo sigui y Coffie su meta principal ta pa completa e Ironman 2018 completo. Coffie a viaha caba pa Colombia pa Ironman 2018. Tabata 6 luna di preparacion y awor e dia a yega. Diadomingo awor dia 2 di december 2018 lo tin e competencia y Coffie ta cla pa participa y ta mentalmente prepara. Nos di Cuerpo Policial Aruba ta sumamento agradeci na Coffie pa su lucha y transformacion.  Un agente policial cu ta duna ehempel pa e siguiente generacion. Nos ta desea Vianney Coffie hopi exito na Colombia y semper sigui preservera y guia  e hobennan cu ta esnan cu lo guia e pais aki mayan.

 

  • Aruba ta pasa pa quarter finals su Beach Tennis World Championship

    Aruba ta pasa pa quarter finals su Beach Tennis World Championship

    ORANJESTAD - Actualmente ta tumando lugar e “Beach Tennis World Championship 2019” na Terracina Italia, caminda tin algun di nos hungadornan local participando. Entre nan nos tin Aksel Samardzic, kende a forma ekipo cu Ramon “ Nacho” Guedez, sigur un persona no desconoci den e deporte di Beach Tennis na Aruba. 

  • Forbes: Lionel Messi deportista miho paga na mundo pa 2019

    Forbes: Lionel Messi deportista miho paga na mundo pa 2019

    NEW YORK – Segun e revista financiero Forbes, Lionel Messi ta e deportista mas miho paga cu 254 miyon dollar, sigui colega futbolista Cristiano Ronaldo cu 218 miyon dollar. Esey ta inclui nan salario y tur otro suma cu nan ta gana den un aña. Forbes ta registra e 100 atletanan miho paga pa 3 decada caba. Segun e revista, solamente 7 otro atleta a yega e posicion # 1 banda di Tiger Woods cu a logra esaki 12 biaha. E top 100 ta inclui atletanan di 25 pais, y ta cubri 10 deporte. Hunto nan entrada ta yega 4 biyon dollar. Aña pasa Floyd Mayweather tabata # 1 cu 285 miyon dollar. Wak e lista completo AKI. 

  • Hulanda ta derota Inglatera 3-1 y pasa pa final di Nations League

    Hulanda ta derota Inglatera 3-1 y pasa pa final di Nations League

    AMSTERDAM – E ekipo di Hulanda a derota Inglatera diahuebs cu e score di 3-1 den tempo extra, den e Nations League Finals. E wega den tempo regular a caba 1-1, pero despues den tempo extra, rapidamente Hulanda a mustra superioridad y a hinca 2 goal mas. Door di e victoria di diahuebs, Hulanda ta hunga e final cu Portugal diadomingo awor. 

  • Liverpool ta titula campeon di Champions League

    Liverpool ta titula campeon di Champions League

    BARCELONA -  E ekipo di Liverpool a titula campeon di Champions League diasabra ganando cu score di 2 - 0 contra Tottenham. E wega a conoce un goal den e prome minutnan na bentaha di Liverpool pa medio di un penalty di Salah den e di 2 minuut di partido. Y Tottenham no a recupera mas. Faltando tres minuut pa e wega caba, Origi ta hinca e goal final. 

  • Aruba Bank Walk & Run 2019 a inicia den gran forma na San Nicolas

    Aruba Bank Walk & Run 2019 a inicia den gran forma na San Nicolas

    SAN NICOLAS – Cu mas di 2000 participante, sigur un di e asistencianan di mas grandi den e evento di Aruba Bank Walk & Run na San Nicolas ta un exito. Hopi hende mes a acudi riba e prome dia na e magno evento di canamemto y coremento. E ambiente tabata unico cu participantenan determina pa cana of core tur cuater dia.

  • Garage Cordia a sostene coredonan den Ronde van Aruba

    Garage Cordia a sostene coredonan den Ronde van Aruba

    (ADVERTORIAL)

  • Powered by SETAR