Polis ta para chauffeur burachi cu despues ta cay den rooi

ORANJESTAD - Diahuebs anochi riba e caminda di Shiribana polis a para un chauffeur di auto coriendo malo. Polis a bay papia cu e chauffeur y e no tabata por a core auto mas debi cu e tabata basta bou influencia. E homber a baha for di su vehiculo y a haya un prohibicion pa core auto pa algun ora. E oficial a bay den su auto pa anota e dato di e chauffeur y dune un multa. Diripiente el a scucha un desordo su tras y ora a mira, e homber lo a cana na rand di e caminda pega cu e rooi y pa descuido a cay den e rooi. Di biaha e oficial a bay na e rooi y solicita pa ambulans presenta cu urgencia pasobra e homber tabata herida. Ambulans a yega basta lihe unda paramedico a atende cu e victima.