OP=OP ta habri nan di 4 sucursal na Paradera!

(ADVERTORIAL)

Oranjestad – Diabierna dia 30 di November den e bario di Paradera e gran apertura di OP=OP lo tuma lugar. Esaki lo ta e di 4 tienda di OP=OP riba nos isla cu ta cla pa ofrece un variedad grandi di articulonan di e miho marcanan y na e miho prijs riba Aruba, manera productonan di uzo personal, detergente, y te hasta pa limpiesa.

OP=OP Paradera lo ta situa specificamente den e edificio di Fresh Market y e orario di e tienda lo ta di 9.30 di mainta te cu 6.30 di atardi. Ademas, e prome 100 persona cu pasa bishita y haci nan compras durante e apertura dia 30 di November proximo lo ricibi un bunita regalo tambe, asina e ekipo di OP=OP a sigura.

E propietarionan di OP=OP Voordeelshop ta sumamente agredecido cu e acogida y aceptacion di henter comunidad durante e ultimo añanan y pa motibo di e demanda y exito di esaki tambe a dicidi pa habri e di 4 tienda riba nos isla pa asina mas hende por sigui probecha di un gran variedad di producto na un hopi bon prijs.

Aruba completo y specialmente e bisiñanan di e bario di Paradera ta cordialmente invita pa bin celebra cu nos e aperture di nos di 4 tienda di OP=OP riba Aruba. OP=OP ta ofrece un combinacion di bon prijs y un ambiente agradable pa hasi compras, cu variedad aproxima di 2,800 articulo unda tur cliente por haya lok’e nan ta busca y na un hopi bon prijs!

Op=Op Voordeelshop a habri su portanan na Klazienaveen, Hulanda na aña 1997 y desde aña 2009, Op=Op a crece dramaticamente unda cu awor ta conta cu aproximadamente 160 tienda na Hulanda. E prome tienda di OP=OP na Aruba a habri dia 28 di April 2017 na Savaneta, e di dos localidad ta situa na Italiestraat 38 y awo esun di mas nobo, na Paradera. NOTA: E potret ta di un di e sucursalnan di Op=Op na Aruba.