Corsou a extradita Venezolano pa Merca pa cargo di droga

WILLEMSTAD - Corsou a extradita awe mainta,  e homber E.A.M.-M. (Venezuela, 30 ougùstùs 1976) pa Merca. E tabata for di 13 di augustus 2016 den asina yama detencion di extradicion den SDKK na Corsou pendiente pa e proceduranan legal rond di e extradicion. Na aeropuerto Hato el a keda entrega door di polis di Corsou na agentenan federal Mericano, esta US Marshalls pa aborda un vuelo commercial pa Merca.

Ta trata di un extradicion riba peticion di State Department  , pidi pa US District Court for the Southern District of Florida. E sospechoso ta ser busca pa Merca pa traficacion di droga.

E extradicion a tuma luga a base di tratadonan manera entre otro: “Uitleveringsverdrag tussen het Koninkrijk der Nederlanden en de Verenigde Staten van Amerika”, e “Overeenkomst betreffende uitlevering tussen de Europese Unie en de Verenigde Staten van Amerika” y tambe e asina yama “Uitleveringsbesluit van Aruba, Curaçao en Sint Maarten”.