Con sentencia di Schotte ta afecta e relacion cu Hulanda

HILVERSUM – Manera cu ta conoci, ex premier di Corsou Gerrit Schotte su sentencia pa e.o. corupcion y labamento di placa ta definitivo. E pregunta cu a surgi awor ta ki efecto di caso di corupcion  aki tin pa e relacion entre Corsou y Hulanda. Profesor specialisa den investigacion scientifico di Caribe Gert Oostindie ta mustra e consecuencianan pa Caribisch Netwerk, partner den noticia pa NoticiaCla. E sentencia ta 3 aña castigo di prison y 5 aña sin por ta eligible pa bira parlamentario. 

MANCHA

Segun Gert Oostindie, Schotte (44) a laga un mancha grandi riba reputacion di Coso. E caso ta confirma e idea na Hulanda cu politiconan di Corsou ta corupto y cu tur cos no ta bon den politica riba e islanan di Caribe Hulandes. “Por lo tanto pa hende na Hulanda tene nan mes ocupa cu Corsou” e professor ta bisa. Esaki pasobra e corantnan grandi y noticieronan mes a casi no duna e sentencia mucho atencion. 

PROCESO POLITICO

E caso di corupcion tin tambe un punto positivo  segun Oostindie. Segun e professor, esaki ta mustra tambe cu Corsou por atende cu politiconan corupto. Na Hulanda nan lo ta contento tambe segun politicologo Miguel Goede. “Pareu tin casi e peliger den e forma con e felicidad na Den Haag cu cual nan ta bisa cu e caso aki a bay segun e agenda Hulandes”.  

SEÑAL IMPORTANTE

Schotte y su coleganan politico ta  sigura cu e caso di corupcion ta un proceso politicamente motiva. Politica Hulandes lo ta tras di e sentencia, ta loke nan ta sigur di dje. Segun politicologo Goede, tabata importante pa trata e caso de na Corte di Casacion pa kita cualkier duda di imparcialidad. “Importante ta cu mester sigui atende cu otro casonan di corupcion” Goede ta sigui bisa.

SCHOTTE NO TA FOI WEGA

Cu Schotte a keda sentencia pa varios crimen, no kier men segun Goede, cu Schotte ta disparse pa semper di e tarima politico. Aki 5 aña por eligi’e atrobe politicamente. Goede ta pensa por ehempel loke a sosode na 2003, ora cu  (Anthony) Godett (FOL) a gana eleccion na Corsou, net despues cu el a sali liber di prizon riba condicion special.  

Fuente: Caribisch Netwerk, partner di NoticiaCla