Peaton alcansa pa auto mainta, ta fayece diamars merdia

ORANJESTAD – E peaton cu a keda alcansa pa un auto diamars mainta na altura di The Cinemas na Renaissance Marketplace, a fayece diamars merdia y ta bira e di 5 victima di trafico di 2014 . Docter a constata morto di Carlos Lacle (61), y fiscal a tuma e curpa den beslag. Ya for di momento di e accidente, tabata teme pa bida di e peaton, mirando e slanan cu e la ricibi. Ya mas laat mainta, e lo a ricibi santa oleo, y tabata teme lo peor.

E accidente mes a sosode den careda di 6'or di mainta, ora cu un chaufeur den un suzuki baleno tabata bin di panort, subi caminda sin duna preferencia na e chauffeur di e chevrole aveo, cu tabata bin di pabou. E chauffeur di e aveo ta alcansa esun di e suzuki, y ta perde control y bay dal den e peaton cu tbata jog. E auto a bay para te den Parke Wilhelmina. Mientras cu e peaton a keda seriamente herida, e dos chaufeurnan a keda den shock. Ambos chauffeur a wordo trata pa personal di ambulance y transporta pa hospital. NoticiaCla.com ta manda palabra di pesame na famianan di e defunto.