Varios departamento di seguridad a haya entrenamiento special

ORANJESTAD - Miembronan di e team special di resfuerso - brigada di cacho (BOT-K9) di KIA a haci e di dos parti di e entrenamento pa Resistencia Fisico y Mental. E entrenamentotawata alterna entre teoria y practica. Durante esaki a concentrariba topiconan manera establecemento di metanan, halamento di rosea y pulso, visualisacion, maneho di energia, observacion, control di pensamento y control di atencion.

E coordinador di formacion di e Centro di Ortopedagogia Aruba, sra. Bianca van Maele, a desaroya un programa special pa esnancu ta den ramo di husticia. Pa e grupo aki e bin cu un programadi entrenamento pa ekipa nan pa ehecuta nan trabou miho. Den nan ramo di trabou frecuentemente nan ta enfrenta situacionnanpeligroso, situacionnan cu violencia, y sufrimento di e serhumano. Esaki ta pone cu e nivel pa yega e punto di kiebra ta halto y ta algo cu nan mester trata cune constantemente. P’emotibo aki ta dedica mas atencion n’e resistencia psikico y corporal di e miembronan. 

Sra. Van Maele a desaroya un programa di entrenamento pa Aruba y a skirbi diferente modulo pa diferente  grupo di enfokey trabou denter di e aparato hudicial. Consecuentemente, a surgiriba tereno di entrenamento pa resistencia un sistema specifico,na midi, cu ta adapta pa mas departamento denter di e aparato di husticia.