Mike Eman: Mester articula beneficionan di green conference miho na comercio

ORANJESTAD – Gobierno y tur otro cu tin e vision ‘berde di sostenibilidad’ mester articula e beneficionan miho di un conferencia manera esun di e green conference. Prome minister Mike Eman, ta reacciona asina na NoticiaCla.com riba e posibel motibo cu gremionan manera Camara di Comercio a condiciona nan participacion na e green conference di e aña aki. E pensamento di ‘ami no tin un e network pa trece un compania di hulanda pa acopla na un necesidad na Sur America’ ta uno cu segun Mike Eman, ta un di e ehempelnan. Segun Eman, nan ta wak ‘e dificil pa ehecuta pa empresanan chikito y mediano. “Locual ta berdad!”, Eman ta admiti na NoticiaCla.com. Pero mes momento e ta splica kico e intencion di e conferencia ta. Di otro banda sinembargo, NoticiaCla.com a compronde cu Eman lo no a contesta e gremio en cuestion ainda, riba nan peticion di haya un clarificacion riba e beneficionan aki.

Pa Eman, loke tur (incluyendo gobierno) cu ta lidera e vision ‘berde’ tin cu haci porta, ta articula mas cla cu pa un empresa chikito aunke chikito por ehempel no ta solamente beneficioso si nan ta forma parti di e network total. Eman ta referi aki na e necesidadnan di e companianan mas grandi cu si ta bin Aruba y ta establece, manera un TNO, cual necesidad ta crea oportunidad pa e empresanan mas chikito. “Nan mester di papel, cleaning, seguridad, architect pa pinta cosnan. Sin cu bo ta den e concepto di e empresa, e empresa ey tin mester di bo servicio” Eman ta sigui bisa. Como tal asina e empresa chikito ta beneficia di esun grandi y tambe di e beneficionan aki. Asina e cliente grandi aki por bira un cliente potencial pa futuro.

E mandatario ta sigur cu tin mas hende cu ta puntra nan mes pa e parti di uza Aruba como gateway, unda exactamente e bentaha pa Aruba ta. Tin un reto segun Eman pa e concepto di e gateway, pa trece den un forma cu tur hende por mira unda e oportunidad pa tur hende ta. Eman ta yame un ‘burden of leadership’. E ta un leadership no solamente politico pero di otro genero tambe. “Momento bo wak algo, e ta tuma tempo prome cu tur otro hende wak esaki. E ta un ‘burden, un reto ‘ pa e business leader, esun cu ta presidente di Camara di Comercio of di Atia, segun Eman, pa splica su miembronan cu ‘esaki ta e concepto’. Segun Eman, ta trata di e posicion strategico cu Aruba tin, relaciona cu e paisnan bisiña. Esaki segun un estudio cu Ernst & Young. Eman ta sigura NoticiaCla.com cu tin ehempelnan aunke no suficiente bisto pa tur hende. Como ehempel, e ta haci mencion di expansion na TNO (antes un of dos trahado, y awor expande na 11 persona yiu di tera), Rietveld Academy, Schiphol su presencia y mas.