Sindicato di Maestro cu reunion pa votacion di un directiva nobo

ORANJESTAD - Miembronan di e unico sindicato di maestro di Aruba lo reuni diabierna venidero pa 7’or di anochi pa vota pa un directiva nobo. E eleccion aki lo ser teni segun e reglamento di cas, pues lo vota pa un presidente, un secretario, un tesorero y pa e comisarionan. Tin 8 candidato cu a pone nan mes disponible pa sinta riba un di e 7 stoelnan den e directva nobo. Ta trata aki di miembronan Jahaira Falcon, Josephina Albertus, Mireille Sint Jago, Natalie Carlo, Dwight Mata, Anthony Figaroa y Edwin Duijneveld. 

Desde fin di april mester a institui un directive nobo, SIMAR a enfrenta un reto pisa pa yega na miembro interesa den forma parti di e directiva. Derechonan di e maestro mester keda salvaguardia y trabounan realisa mester sigui pa keda concretisa. Pesey ta di suma importancia pa maestronan ta conciente di e necesidad di existencia di nos sindicato.

Pa e eleccion aki tuma lugar mester tin quorum, pues ta haci un apelacion na miembronan pa asisti na e reunion aki pa asina por vota pa yega na un directiva. E reunion ta tuma lugar diabierna venidero, dia 23 di November 2018 y ta inicia pa 7’or en punto.