Victima di bapor crucero tabata nervioso pa tuma e crucero

MIAMI — Dos yiu di e mama cu a fayece abordo di un bapor crucero siman pasa yegando Aruba a bisa cu e mama tabata nervioso pa cuminsa e crucero. Mientras cu FBI parse a tuma e investigacion over, e famia a cuminsa papia cu prensa Mericano riba e caso. Asina Aruba ta hayando informacion di e caso.  

ULTIMO BRASA

Segun e yiu homber Timothy Tenorio a bisa den e programa Good Morning America di e cadena ABC, e mama Almarosa Tenorio a bise ora cu el a despidi, cu esaki por ta e ultimo biaha cu e ta brase. 

E ruman muher Andrea Smith a bisa cu nan mama ‘no kier a bay’ riba e crucero cu su casa Leo Tenorio. Nan a bisa cu Leo Tenorio a bisa nan cu e pareha lo a bay traha riba nan relacion durante e crucero. 

E raportahe ta bisa cu autoridad na Aruba a declara cu Leo Tenorio a wordo interoga pero cu e no tabata un sospechoso. E crucero mes a declaracion cu e caso ta keda un investigacion activo den man di FBI. Potret ta di facebook. Mira e raportahe completo AKI.