E cinco landadornan a ricibi moneda special di Gobernador Boekhoudt

ORANJESTAD – Awe mainta e 5 landadornan cu a cruza laman di Venezuela pa Aruba a ricibi un moneda special di Gobernador di Aruba, Su Excelencia Alfonso Boekhoudt. Ta trata di e landadornan Gwendolin Kock, Deaxo Croes, Romar Arendsz, Davy Bisslik y Stephan Thijsen. Tabata un siman pasa cu nan a cruza e laman y logra nan meta. Durante nan audiencia cu Gobernador, nan cada un a ricibi un moneda special. E ta un moneda cu personanan cu a resalta den comunidad ta ricibi. Y den e caso aki sigur, tur e 5 personanan aki a resalta. Falta dos potret di landadornan, den e caso aki Davy Bisslik y Deaxo Croes.