Accidente entre dos auto ta laga peaton herida riba caminda

ORANJESTAD – Diamars mainta dilanti Renaissance Cinemas, un peaton cu tabata ‘jog’, a keda seriamente herida ora cu dos auto a dal den otro, y bay alcansa e peaton despues. E accidente entre e dos autonan tabata asina duro cu despues, un di e autonan a bay zwaai y dal e peaton C.L (62). Polis mesora a sera e cruzada net dilanti e cinemas, pa por a cuminsa cu nan investigacion. Personal di ambulance a traha cu e peaton, cu tabata visiblemente serio herida y a perde hopi sanger na e sitio. Fuera di e peaton, algun di e ocupante di e autonan tambe a resulta herida, y tambe a keda atendi pa personal di ambulance. E caso ta bou di investigacion.