Cruz Cora cu mainta di proyecto: “BIBA BIDA…un rato den hofi cu Cruz Cora”

ORANJESTAD – Recientemente a tuma lugar e prome mainta di e proyecto di Cruz Cora “BIBA BIDA” na Centro di Bario Lago Heights. E proyecto aki tin como meta pa organiza maintanan den diferente bario na Aruba cu e lema: Siña, recrea y disfruta!  

Cu un grupo di total 60 persona di 65 aña of mas, a start sali cu un workshop di Santa Rosa unda Sr. Ludwig Rasmijn a duna splicacion tocante plantacion na cas y a duna tips. Despues e grupo a pasa pafor pa un demostracion cu matanan local. Despues di un pauze cortico pa disfruta di un bon sopi, a sigui pa un presentacion di Sr. Rene Ridderstap di Crisis Bureau tocante preparacion pa calamidad.

Cu e temporada di fiesta ta den porta, Cruz Cora lo sigui cu su siguiente Biba Bida den januari, 2019 den Noord. Lo anuncia e fecha y lugar pronto. Pa mas informacion tocante e programa Biba Bida: info@redcrossaruba.com