Aruba a mantene tradicion di bin cu zwarte piet mes y no di color

ORANJESTAD – Contrario na Hulanda y un caso na Corsou, Aruba no a conoce ningun protesta contra e yegada di e homber santo (Sinterklaas) y zwarte pietnan. Alavez tabata interesante pa mira cu tur zwarte piet tabata cu cara full preto y e unico cos di color tabata e lip y wenkbrauwnan. Pues e biaha aki no tabatin piet na color. Mescos cu na Corsou, a opta pa mantene e tradicion regular, y no haci cambio of adapta esaki pa evita discussion. Na Hulanda p.e. a haci e cara menos preto, pero esey no tabata e caso na Aruba. E discussion a cuminsa algun aña na  Hulanda y algun tempo atras a purba haci esaki tambe na Aruba y Corsou, pa protesta e asunto, alegando cu ta trata di discriminacion contra e rasa di color acompaña cu e sugerencia cu ta implica menosprecio pa e rasa di color.