- KVK: Mayoria compania ta pensa cu e scarsedad di trahado lo empeora
- HOH: Ocupacion di cama poco poco ta bek na normalidad na hospital
- Video: Ryçond Santos do Nascimento ta considera su entrada den AVP como un eror
- Mas turista Colombiano ta biahando pa Corsou envez di Aruba den 2024
- Minister a anuncia mando nobo temporal na Cuerpo di bombero
Camara di Comercio completamente digital na comienso di 2019 cu ‘Mi KVK’
ORANJESTAD– E aña aki Camara di Comercio y Industria di Aruba (KvK) a inicia un proyecto di ICT cu ta impacta tur e servicionan cu KvK tin pa ofrece. Pa 2019 KvK ta bay ta brindando su producto y servicionan completamente digital. KvK lo tin un website moderno cu lo brinda miho servicio na e cliente. Esaki sigur ta un stap den direccion pa futuro caminda cu pa medio di avansenan tecnologico ta crea innovacion y facilita e deseonan di e clientenan di KvK via nan propio account di ‘Mi KvK’.
Beneficionan di ‘Mi KvK’
Cu bo propio account di ‘Mi KvK’ bo por regla tur bo asuntonan cerca KvK na e momento cu ta cumbini bo. Bo no tin cu para den fila pa wordo yuda na balie di KvK. Bo ta simplemente bay tras di bo computer, bo tablet of bo smartphone y bo ta regla bo asunto di negoshi. Pensa por ehempel riba informa cambionan den bo negoshi su datos, deposita documento, haci un peticion di un extracto, ricibi un factura of cumpli cu e pago anual di registracion entre otro. Tur esaki y hopi mas lo ta posibel via bo account di KvK. Banda di esaki bo informacion ta na bo disposicion ora cu abo ta desea den un forma facil pa traha cune. Loke ta mas importante ta cu tur cliente tin acceso 24/7 na servicionan di KvK.
Get Connected!
Pa haci uzo di e servicio di ‘Mi KvK’ e ta hopi importante cu bo informacion den e sistema di KvK ta corecto. Si bo a yega di duna bo datonan na KvK ora di registra un negoshi, e ora e informacion aki ta den e sistema actual di KvK. E ta importante pa bo verifica bo informacion di contacto y di e forma aki facilita tambe cu bo servicio via ‘Mi KvK’ ta optimal. Bo e-mail ta un di e datonan mas crucial pa e activacion di bo ‘Mi KvK’ account.
E directornan y doñonan di negoshi lo haya un carta via post indicando con pa yena nan email adres riba e landingspage cu KvK a crea. Si bo no ricibi esaki por fabor pasa na oficina di KvK pa haya tur informacion necesario.
Periodo transitorio
Lo bay tin un periodo transitorio caminda cu ta duna e cliente e oportunidad pa climatisa cu e sistema di servicio digital. Di e forma aki kier logra cu e cambio grandi aki bay cu menos contratiempo posibel pa e cliente. Pa e periodo transitorio KvK su staff ta completamente disponibel pa e cliente cu tin pregunta of dificultad pa haya su caminda cu ‘Mi KvK’. E intencion ta cu servicio di productonan na balie lo minimalisa por completo y bira algo di pasado. Door di servicionan digital caminda e cliente por yuda su mes, KvK ta crea espacio pa por bay enfoca na duna guia mas personalisa na su clientenan y nan negoshi. Tambe via e sistema digital nobo ta actua tambe mas consciente cu e medio ambiente. Si bo ta interesa pa haya mas informacion encuanto con pa activa bo ‘Mi KvK’ account, por manda un e-mail pa: [email protected] of yama na 582-1566, ext. 35/30/27/42.
HOH: Ocupacion di cama poco poco ta bek na normalidad na hospital
ORANJESTAD - Horacio Oduber Hospital ta comparti cu comunidad di Aruba e cifranan pa loke ta luna di maart 2024. E cifranan aki banda di brinda transparencia y informacion ta duna comunidad di Aruba un indicacion di cuanto pashent Hospital ta atende mensualmente, cuanto operacion ta tuma luga, pero tambe cuanto donacion di sanger a tuma luga na Bloedbank y mas.
Stampiaaruba cu exposion di stampia na Aruba pa celebra 17 aniversario
Oficina principal di DIMP ta cera awe diaranson pa mantencion
ORANJESTAD – Departamento di Impuesto ta su oficina principal na Camacuri lo ta cera pa publico diaranson, dia 24 di april 2024. Esaki ta debi na trabounan di mantencion necesario na e edifico. Mientrastanto Departamento di Impuesto kier sigura cu ta sigui brinda servicio na publico sin interupcion. Siguientemente ta sigui un skema di e servicionan.
Den cuadro di reposicionamento, FPNA ta cambia su nomber pa Aruba Conservation Foundation
ORANJESTAD – E organisacion independiente di conservacion di naturalesa conoci como Fundacion Parke Nacional Aruba (FPNA) ta usa e ocacion mundial di Dia di Mama Tera pa revela su transformacion pa Aruba Conservation Foundation (ACF). E transformacion akinan ta encera un nomber nobo, un logo, y identidad visual nobo cu ta alinea na e direccion strategico di e organisacion como un organisacion moderno di maneho di conservacion y alavez ta alinea na e necesidad actual pa conserva naturalesa di Aruba. Asina, e organisacion ta despedi di ta un organisacion tradicional di maneho di parke cu hopi a bin ta conoce pa mas cu 20 aña.
Parlamentario Ryçond Santos Do Nascimento ta invitado den Noticiacla LIVE awe nochi
ORANJESTAD – Parlamentario independiente Ryçond Santos Do Nascimento ta e invitado den e programa Noticiacla LIVE diamars anochi pa 9’or. Recientemente a cumpli un aña cu e parlamentario a distancia su mes di e partido berde AVP y a declara su mes independiente. Un aña despues ta toca temanan general y specifico cu e parlamentario. Un programa sigur interesante y al caso, cu periodista Tito Laclé. No perde!. Esaki riba tur Plataforma di Noticiacla, manera e Facebook page, website y e app.
AZV: Contracto cu dentista Mayra Rosales ta termina
ORANJESTAD - Organo Ehecutivo AZV a informa tur asegurado inscribi cerca dentista Mayra Rosales pa tuma nota cu e contracto entre OE AZV y dentista Mayra Rosales ta finalisa 30 di april 2024. Den caso cu tin un cita despues di 30 di april 2024, lo e asegurado mester tene cuenta cu e cita aki no ta wordo cubri mas door di OE AZV. Ta gradici dentista Rosales pa su añanan di servicio cu el a brinda na e aseguradonan di AZV. Tur clase di exito tambe ta e deseo di OE AZV pa dentista Mayra Rosales cu e continuacion di su practica priva.
Follow NoticiaCla
