A haña turista morto riba barco crusero Carnival Conquest na Corsou

WILLEMSTAD – Un dia despues cu Aruba tabata den noticia cu un caso di morto riba un bapor crucero, awor ta toca Corsou cu un caso di un morto riba un otro bapor crucero, aunke cu e motibo ta diferente. Tabata ayera marduga a haya un turista Mericano di 60 aña, morto den su cabina riba e barco crusero Carnival Conquest. E ultimo biaha cu e pasahero a duna señal di bida tabata dos dia pasa. Esaki a keda confirmá dor di e otro pasheronan, i tambe telefonikamente dor di famianan. E curpa tabata den un estado avansa di descomposicion. Segun e patologo y e medico di Polis, no tin indicacion cu ta trata di un crimen. Pa e motibo aki no a tuma e curpa den beslag. Lo bay ku e curpa Puerto Rico y einan lo e keda transporta pa Merca. Te cu ayera e barco tabata mara na Megapier i mester a sali 12.00 di anochi pa Aruba.

SCHEDULE

Segun e schedule official di barco crucero, Carnival Conquest mester a drenta Aruba 8’or y ta sali bek 4’or di atardi. Hunto cune Carnival Ecstacy a drenta 9’or di mainta y ta sali 10’or di anochi.