Arends: Desaproba cuenta annual ta pone trabou di hopi professional bay perdi

ORANJESTAD – “Desaprobacion di e cuenta anual 2016 ta pone trabow di hopi profesional bay perdi y ta hiba nos ta back na e situacion prome cu aña 2011 unda a establece e cuadro administrativo pa elimina 50 aña ta atraso den dunamento di cuenta door di Gobierno”. Asina ex minister di gabinete Mike Eman II y actual parlamentario Richard Arends a reacciona pa NoticiaCla riba e hecho cu Parlamento a desaproba cuenta annual 2016.  “ Gobierno ta responsable pa e determinacion di e saldo di entrada y gastonan irrespectivamente di e aña” Arends a sigui bisa. 

NO TA DUNA CONTESTA   

A puntra e parlamentario riba e aspect cu ‘no a duna contesta riba e surpaso di varios suma. “Mi por tin diferencia politico cu Sra Minister, pero mi ta di acuerdo cu ne riba e importancia di e determinación di un saldo pa por sigui cu e proceso di “duna cuenta”” Arends a bisa riba e aspecto di no a duna cuenta of duna cuenta. “Den tur cuenta anual tin cosnan cu no ta wordo splica suficiente na opinion di ARA. Pero esey ta un hecho. E splicacion of falta di splicacion lo keda mescos si bo investigu'e na 2016 of na 2025” e parlamentario a sigui bisa. 

META DI REUNION

Pa loke ta e reunion mes, Arends a mustra cu e intencion di e reunion tabata meramente pa fiha e saldo entrada compra cu gastonan basa riba hechonan cu a wordo investiga door di ARA y no pa drenta den discusion di maneho. “E hechonan lo no cambia; e cifranan lo no cambia”

SURPASA GASTO

E hecho cu a surpasa presupuesto, no ta nada nobo. “Cuenta anual ta contene varios post cu un presupuesto no ta contene. E “overschrijdingen” cu ARA constata no tur biaha minister tin control of influencia riba dje” Arends a sigui bisa. “ Por tin overschrijdingen den overtime, voorzieningen of afschrijvingen cu mester tene cune den cuenta anual, pero no den presupuesto. Por tin overschrijdingen den gasto, pero tambe a constata aumente den entrada na 2016. Tambe interes of gastonan bancario” Arends a continua bisando. “Si cosnan wordo cambia "after the facts" e ta atacha e independencia di ARA y e trabow di DF ora di stel op e jaarrekeningen”. Como tal segun Arends, bo no ta aproba/desaproba nada. Bo ta determina e saldo