Bonaire y Reino Hulandes a firma un acuerdo di maneho

KRALENDIJK – Gobierno di Bonaire y Reino Hulandes a firma un acuerdo di maneho diaranson atardi, valido pa un periodo di 4 aña cu ta termina 31 di December 2022. E ultimo dos firmanan tabata di Gezaghebber Edison Rijna  (Bonaire) y Secretario di Estado Hulandes Raymond Knops (Reino Hulandes). E intencion ta pa, hunto atende e prioridadnan pendiente cu ayudo di un team specifico, y asina sigura e progreso di e isla. Ta trata di puntonan grandi cu no a logra resolve durante e gobernacion actual. 

ELECCION NO TA STROBA

E hecho cu tin un eleccion dia 20 di maart 2019 no ta stroba e acuerdo aki segun Rijna y Knops. A clarifica tambe cu esaki no ta un ‘instruccion’ (aanwijzing) camufla, sino ta un acuerdo entre esnan conoci. “Sino nos lo a yame un aanwijzing tambe”, Knops a sigura durante un conferencia di prensa cu a sigui. E acuerdo ta conta cu 32 pagina, y tin cu sigura cu tur e puntonan wordo atendi, maneha pa un asina yama gerente di programa, cu lo ta encarga cu e ehecucion di e acuerdo aki. Un mocion pa pospone e acuerdo aki te despues di e eleccion otro aña, no a sosten y a wordo desbarata u 7 voto contra y 1 pro. Por lesa e acuerdo AKI. Potret ta un screenshot cortesia di Live99FM Bonaire.