ORANJESTAD – Un virus gara a pone defensa di minister Otmar Oduber baha y dehydrata na un grado excesivo, cu resultado cu e mester a keda hospitalisa. Asina e mandatario a bisa NoticiaCla awe mainta for di su camber di hospital. E mandatario ta hospitalisa for di diasabra ultimo despues di a bira malo y keda interna. E momento ey, informacion cu NoticiaCla a haya di su famia, ta cu e tabata dehydrate, y cu keintura. Dialuna minister president Evelyn Wever Croes a duna un update cu Oduber ainda tabata hospitalisa pero recuperando. Mientrastanto Oduber a splica e portal aki kico ta e motibo di su hospitalisacion.
OPERACION
Segun Oduber, tres siman pasa el a haci un operacion y tawata riba un dieet durante recuperacion y a gara un virus.” Esaki a pone mi defensa baha formal y a dehydrata na un grado excesivo” Oduber a cuminsa na bisa. “Awe, danki na nos Señor, ta recuperando hopi bon y ta sumamente agradecido na e gran cantidad di personanan cu a mustra nan atencion y cu tawata tin mi den nan oracion. Awo mester sosega un poco mas y caba di recupera 100%” Oduber a sigui bisa. Pa loke ta su salida di hospital, Oduber a bisa cu e ta spera cu esey ta awe mes.
ORANJESTAD – E situacion di Dengue na Aruba ta birando mas alarmante. Diahuebs Departamento di Salud Publico a informa cu a cuminsa hospitalisa hende cu ta infecta cu Dengue. Ta trata di 2 persona. Un di e personanan aki ta bek na cas, y e otro ta sigui interna cu complicacionnan serio debi na Dengue. Por a verifica cu ningun di e personanan aki a biaha recientemente, indicando cu ta trata aki di dos caso di Dengue di transmision local. DVG ta informa tambe cu ta observando mas caso cu ta di spera – of cu ta normal – pa e temporada aki.
ORANJESTAD - Entrante augustus 2024 e alumno di klas 1 lo siña lesa y skirbi na Papiamento. A organisa un trayecto di preparacion pa asina ekipa e cabesante y e maestro di klas 1 di scolnan basico (basisschool) cu e hermentnan necesario pa por implementa e parti aki di e maneho nobo di idioma den scol.
ORANJESTAD - Entrante 18 di april 2024, pa 9or di anochi via TeleAruba, Aruba completo lo por cuminsa presencia e serie documental ‘Blue Lizard Effect’. Un serie documental revolucionario cu ta profundisa su mes den e mundo fascinante di Aruba, pero di un angulo diferente. E serie ta explora e concepto energetico di felicidad y e conexion profundo cu e cultura, e hende, y naturalesa di e isla.