KWK a colecta riba 30 mil florin durante evento Crossing for Hope

ORANJESTAD – Te cu awe mainta 9’or, e suma recauda di Crossing for Hope pa Koningin Wilhelmina Kankerfonds a yega e suma di AWG 30.603,98. Asina e fundacion a pone riba nan pagina di Facebook dialuna mainta. E evento diadomingo unda cu 5 landado di Aruba a cruza laman di Venezuela pa Aruba, tabata netamente pa colecta placa pa e fundacion. Hendenan mester a haci donacion na nomber di e evento, prome, durante y tambe despues di e evento. E instancia a manda un danki di curason na tur hende cu a haci nan donacion pa Crossing for Hope. ”Nos a haya e peticion si por pone e cuentanan bancario pa asina esnan cu ainda kier haci nan donacion, por haci esaki. 

SOSTENE

Si bo kier sostene e team di Crossing for Hope y duna bo sosten na un bon causa, bo por haci bo donacion via online banking: 

CMB: 60078005ARUBA BANK: 2611450190BANCO DI CARIBE: 80710901

Menciona aserca cu ta pa “Crossing for Hope””, e fundacion a sigui bisa.