Investigacion riba caida di alumno na scol dialuna mainta

ORANJESTAD – Autoridad competente ta investigando e caida di un alumno di Maria College Mavo dialuna mainta, pa sa kico e motibo exacto ta. Tabata dialuna mainta cu un alumno femenino a cai for di e di dos piso di e scol, y herida su mes formalmente na su lomba y barica. Mientras cu tin varios version pa e caida, cu ta varia den intento di pone fin na bida, te na pushamento y hungamento, e hecho ta keda cu e persona a keda seriamente herida y a wordo transporta pa hospital. Riba potret por mira e piso di unda e persona lo a cay, mientras otronan ta mustra e momento cu personal di ambulance ta transporta e alumno paden di Eerste Hulp.