Bikker: A reuni cu sindicato riba protocol di RST y a trankilisa nan

ORANJESTAD – Minister di husticia Andin Bikker ta reuniendo cu Sindicato di Polis SPA, y mando policial riba e tema di RST. Esaki pasobra opositornan politico segun Bikker a crea un impresión eroneo cu cierto departamento di KPA lo por bay cay bou di Recherche Samenwerkings Team (RST). Esaki no ta berdad según Bikker a bisa diaranson mainta den un conferencia di prensa. Cu e reunion diamars, Bikker a sigura cu e sindicato a trankilisa. Unabez cu e protocol nobo cu tin cu wordo firma na januari ta cla, esaki lo wordo manda Parlamento. Ora cu esey sosode, e ta bira un documento publico y tur por mira kico ta kico. Lo tene cuenta cu opinion cu esnan di e sindicato si nan tin remarke ainda riba e tema. E pregunta di NoticiaCla tabata a raiz di preocupacion expresa dialuna den un reunion di e sindicato, cu por a desemboca den un posibel accion.