A logra trece e curpa di hoben hoga, tera na Seroe Colorado

SEROE COLORADO - E curpa sin bida di e hoben Jonathan Koolman (26) a wordo localisa pa buceadornan y trece tera. Manera cu NoticiaCla.com a raporta mas tempran, e hoben Koolman tabata pisca hunto cu algun otro amigo, ora cu su linja di pisca a bay awa. E la bula su tras pa cohe, pero no a bin tera bek. Un amigo di djey a purba yude inicialmente pa yega na rand di baranca, pero un ola a bolbe hiba e hoben laman. Esey a pone cu buceadornan y otro personal di polis y bombero a bay den un operacion di buskeda y rescate. Mientrastanto personal di slachtoffer hulp a bay e cas di e hoben, pa informa su famia di e caso. .E prome informacion cu a sali, y cu NoticiaCla.com a informa ta cu na punta oost di Aruba na Seroe Colorado autoridad tabata trahandopa saca curpa di un hoben, cu lo a cai den laman diadomingo merdia/atardi y lo a hoga. NoticiaCla.com ta manda palabra di forza pa e famianan.