Dos di e tres periodistanan deteni, a recobra nan libertad

ORANJESTAD - Hues comisario a laga dos di e tres periodistanan deteni (pa asunto di hortamento di radio) den libertad diadomingo. Ta trata di e periodistanan Maritza Tromp Lacle y Ross Tromp. E periodista Marko E. si a keda deteni ainda. Abogado di tur tres periodista, Chris Lejuez a confirma esaki pa NoticiaCla diadomingo anochi. Pakico a laga dos liber y uno deteni, e abogado no por a bisa. For di den siman a detene e tres personanan sospecha di ta involucra cu robo di radio di polis. Un polis di fam R a keda suspendi pa e mesun asunto.