Caya Gilberto François ‘Betico’ Croes ta cende lusnan di pasco awe

ORANJESTAD - Caya Gilberto François ‘Betico’ Croes ta cende lusnan di pasco awe. Gobierno di Aruba ta patrocina e parti aki y a invita comunidad pa e inauguracion di “City of Lights” na Caya Gilberto François ‘Betico’ Croes e prome diabierna di november cu un anochi di compra   pa duna e pueblo di Aruba e oportunidad pa cuminsa haci nan compra di temporada di Pasco y pa por drenta den e sensacion di e temporada aki cu ta net na skina. 

Tiendanan lo ta despues di oranan di trabou y lo habri coleccionnan placentero y cu descuentonan unico. Pa agrega e ambiente na e celebracion aki, Grupo di Betico hunto cu Las Unicas Fabulosas Gaitas lo presenta di 6-8 pm durante e prome anochi di compras aki.

A mustra cu esaki ta e oportunidad perfecto pa adelanta riba ‘smart buying’ y disfruta di bebidanan refrescante y saboria cuminsa di tur e luganan di cuminda cu tin pa ofrece. Ambiente di fin di aña ta cuminsa awo cu “City of Lights”.