ATA cu aviso den Boston Globe pa Xander Bogaerts y riba portal aruba.com

BOSTON – Cu un aviso den e corant popular di Boston, esta Boston Globe, y un espacio special riba e portal di ATA, oficina di turismo a capitalisa riba e momentum cu e victoria di Boston Red Sox a trece pa cu Aruba. Sigur mirando cu tin e pelotero profesional di Aruba Xander Bogaerts formando parti di e ekipo. Pa medio di un aviso den e corant mas popular di Boston, esta Boston Globe, e oficina di turismo di Aruba a manda felicita nos pelotero professional Xander Bogaerts e siman aki cu e logro di gana Serie Mundial di Baseball Grandes Ligas. Riba e aviso, e oficina di turismo di Aruba ta invita tur hende di Boston pa bay riba nan portal, unda cu nan a traha un seccion special cu hende por manda nan mensahe pa Xander y relata esaki cu algo di Aruba si nan kier. “Na nomber di tur nos hendenan di Aruba, pabien na nos yiu di tera Xander Bogaerts, henter e ekipo y e fanatic di Boston tur caminda pa un Victoria incredible.  Manera nos ta bisa na Papiamento ‘masxha pabien’. Xander bo a haci One Happy Island, un pais orguyoso. ‘Skibi bo mensahe akibou y mustra e X-man poco amor’.